Eorzea's Scottish Baird Baund

Materia DC

The Hielan Lassies is a Materia-based FFXIV baird baund dedicatit tae heizin the airt o Scottish trad muisics. Wi a unique repertoire o Celtic jigs, tribal muisic, cèilidhs, piobaireachds an' mony mair, the Lassies' sangs ir siccar tae mease yer dour speerit or gar ye tae battle.

Anent Us

Hailing frae aw ower Eorzea that can legally coont as Scottish (Limsa, Ishgard, Il Mheg), the Hielan Lassies ir led bi the kiltit femroe Valorye MacSiolesean wha's the baund's piper an' aw. The Lassies specialise in mony kynds o Scottish tradeetional muisics (or 'trad', for short) that ye will seendlins find onywhaur else in Eorzea. Tairn jigs, Celtic muisic, strathspeys, reels, piobaireachds, tribal muisic, a wee bit o orchestral, these ir jist a wheen o the sangs they wid pley!The Lassies' muisic is braw for onybody seekin a suith medieval tairn experience, chill an' hamely cafe vibes, or for onybody wha is wantin the flochter an' excitement afore a raid! Nae maiter the vibe ye'r seekin, the Lassies will aye be thaur for tae sey "Gie it laldy!"

Meet The Lassies

Click tae airt oot mair aboot thaim!

Anent Masel

A'm a solo octet performer frae Australia multiboxin thae eight Lassies on ma laptap for tae gie performances. Syne this taks muckle resoorces on my puir laptap, A'm aye welcome tae awbodies seekin tae collab an' dae performances thegither.Ma niche for this baund is Scottish trad muisic, speicially fowk an' tribal, an' Ah makkit aw ma performance pieces bi transcrivin' existin versions o thir sangs on Youtube, sometimes pittin in wee arrangements o ma ain. In the forrit and ayont, Ah mey even look intil makkin Irish jigs an' mair traditional fowk muisic in the Celtic warld.Gin ye'd like tae lairn mair aboot the kynds o muisic Ah perform, please cam forrit tae rax oot tae me!

Uailearuidh MacSiolesean

Valorye MacXiloscient

Baund Captain | Lead Piper

Cam frae: Northren Ishgard

The lead bagpiper o the baund, Valorye's pipin is weel-kent in Eorzea for haein "the festest itchy fingers" in the realm. She is kent for her endurance an' aw, wi her piobaireachd solos at times lestin up tae twinny meenits.Bairn Vaileryn Xiloscient in Northren Ishgard, she adoptit a new name an' a gaelicised surname for hersel, inspired bi the local Gaelic leid o the faes o Il Mheg, for tae attune mair tae her cawin' as the realm's piper.

Miarie "NicÒran" Teineflòre

Mialee Tinnefleur

Violinist

Cam frae: Ishgard

Oreeginally a violinist bairn tae Ishgardian nobeelity, Miarie wis mair kennin o clessical waltz muisic favourt in nobeelity pairties. Wi the Lassies, she suin discovert hoo brawly violin mixes wi the bagpipes, fluit, clàrsach, an' drums, and swithly jyned Valorye in formin the baund. Syne then, she is noo mair yaised tae pleyin jigs an' fowk tuins an' is an indispensable pairt o the baund.

Gaillea "NicBàird" Dùn-Draghain

Gaelia Dundragon

Flutist

Cam frae: Lawer La Noscea

Bairn tae a paisant faimly in the ootins o Limsa, Gaillea aye haed her haunds fou tendin tae the ferm an' fermstockin her faimly awns. The anely faimly finery wis a fluit jaloused tae be giftit bi a weel-kent baird gey lang syne, which Gaillea wid pley ilka time she gets wabbit frae hirdin the coos. A chaunce encoonter wi Eilidh, Valorye an' Miarie wid see her offert tae pley wi thaim in a baund, which Gaillea quickly acceptit.

Caitrìona "NicSeinn" NicTatha

Katriona MacTay

Violist

Cam frae: Il Mheg

Whan Caitrìona first met Valorye an' ithers frae the Soorce, she coud haurdly spik a wird in Eorzean efter haein spent awmaist aw her life wi the fae. In steid, the ither Lassies haed tae lairn the fae's local Gaelic leid for tae communicate wi her, tae various levels o success. They alsae communicatit throu muisic, an' Caitrìona's skeeliness in the viola makkit her and Mialee a pouerfu viola-violin duo.

Leareis "NicCèilidh" NicCluaidh

Laerysinn McClyde

Piper

Cam frae: Sharlayan

The newest eikin tae the baund, Laerysinn wis a Sharlayan researcher wha came tae Eorzea in her research o the muisical culturs o the realm. Her stravaigins led her tae an encoonter wi Valorye an' the Lassies, an' she wis immediately captivatit bi the duality o muisic - baith suithin an' stirrin.Laerysinn speirt for tae jyne the Lassies, whaur she wis placed unner Valorye's direct tutelage. She quickly pickit up on the bagpipes and brocht pipe muisic tae her hame city, whaur it suin gained popularity wi a Sharlayan fowk that is castin oot its isolationist image.

Eilidh "NicGàidheal" Mac Gath-luain

Ellype MacGallon

Lutist

Cam frae: Limsa Lominsa

Bairn an' growed an orphant in the slums o Limsa, Ellype became a kenspeckle lutist in her ain richt in her hame toon. Yet efter bidin wi Aedeag, she noo prefers yaisin the lute tae complement Aedeag's clàrsach for tae produce a bewitchin melody that cannae be makkit on thir ain.

Aedeag "NicCeòlmòr" NicOidhche

Aedean MacKeyer

Clàrsach Hairpist

Cam frae: Il Mheg

The clàrsach is a fae makkin uniquely different frae the hairps that humans yaise. Aedeag wis yin o the rare hairpists wha wur directly tocht bi the fae tae pley ane. She, houaniver, wis the first tae airt oot the glamouries o pairin the clàrsach wi the lute, viola, bagpipes, fluit an' drums, and haes quickly takken a fancy tae pleyin jigs an' cèilidh muisic in tairns.

Mirelainn "NicDrumma" Dùn-Arlaidh

Myralon Dunnerly

Lead Drummer

Cam frae: Il Mheg

The lead drummer o the Lassies, leadin the baund in maist o the tribal muisic pleyit. Her wee bouk belies her abilty tae shred ony drum she comes across an' gar the herts of men tae battle. It is alsae a less-kent fact that lalafells generally dinnae suffer frae shoogly haunds frae pleyin the drums tae much as ither races aw dae.

Wir Sangs

Each kynd arranged newest first

* = wi lyrics

Celtic Tunes & Fowk Ballads

Tribal War Muisic

Rock Muisic

Pipes & Drums Baund Muisic

Strathspeys, Reels & Jigs

"Solo" Pipin

Solo pipin will still require at least a duet for tae replicate baith drone an' chaunter.

Contact Us

/tell:
Valorye Macsiolesean@Ravana (Materia, OCE)
Vaileryn Macsiolesean@Marlboro (Crystal, NA)Discord:
Void of No One (@voidofnoone)

Syne Ah bide in Sydney, ma local timezone is AEST (GMT+10) or AEDT (GMT+11) dependin on the month. Check on Google for tae see which ane is aroond at ony time.My Discord DMs ir appen 24/7 an' I will ettle tae respond athin 24 hoors. /tell availability is dependit on ma in-game time.

Mair

A wheen mair insichts intil the makkins of this baund, motivations an' ither interestin wee bitties.

Motivations of creating this band

A've haed ma Scottish phase that stertit some 4 years syne whan Ah stertit pleyin D&D ootthrou lockdoon. Ah makkit Valorye McXiloscient the hie elf wha growed up in a Dwarven village, an' acause she wid hae been exposed tae maistly Dwarven cultur, Ah haed tae research intae hoo tae pou aff a Scottish accent for tae richtly rolepley her. This wis aw afore Ah stertit playin FFXIV in 2021.Syne then, Ah got a wee bit in tae deep wi aw hings Scots an' fawed in love wi mony niche baunds and airtists like the Whistlebinkies, Clann An Drumma, Clanadonia, and sangsters like Iona Fyfe. Whan Ah heard aboot the abilty tae perform muisic in FFXIV, imagine hoo excitit Ah wis thinkin aboot aw the sangs Ah coud pley!Ah stertit in 2022 bi makkin solo pipe muisic pieces for Valorye, maistly bi doonlaidin midis o traditional fowk sangs already available online. Houaniver, they aw soondit nae guid an' wis needin muckle editin for tae soond reasonably guid in-game. My hale motivation wis acause Ah haenae fund ony existin midis online for the niche A'm intae, an' suin I fund masel gauin intil muisic editin, even as Ah wis gauin in with nae musical backgrund an' experience!Ane hing led tae anither an' suin Ah wis trainin up 7 mair characters an' unlockin performance for aw o thaim, and Ah stertit recreatin sangs frae the lyks o the Whistlebinkies an' Clann An Drumma. Syne thaur, Ah wis experiencin the blythes o performin octet jigs and tribal muisic in the warld o Eorzea!Noo, wi the makkin o this baund wi support frae mony mates in FFXIV, Ah feel even mair committit an' motivatit tae scrieve mair Scottish sangs for fowks. In the futur, Ah mey even look intil creatin Irish jigs an' mair traditional fowk muisic in the Celtic warld.

The Laird's Crannog

Appent an' awned bi the baund captain Valorye, the Laird's Crannog is a Scottish-themed pub place wi an appen stage for aw bairds o Eorzea. The Lassies is the resident baund o the Crannog, and ye wad aiblins find the Lassies pleyin thaur whan the pub is appen!

Recreatin the bagpipes in FFXIV

Bagpipes arenae pairt o the list o instruments available in FFXIV. An' sae it takkit me muckle trial an' error for tae find the perfect bagpipe soond.Ah hae syne foond that the bagpipes can be reproduced bi a mixter o Oboe for the chanter an' Horn or Tuba for the bass an' tenor drones, thou this wid nae langer be a solo effort. The bagpipe chanter range for the Oboe is atween G#3-B♭4, while the drones can be recreatit wi the Horn or Tuba lang-pressed doon on B♭3 or B♭4 dependin on the vibe ettled efter. Syne FFXIV leemits note durations tae 8 seiconts, they maun be re-pressed efter they gyng awa, sae this is automatically wirked intae ma midi pieces that incluide the pipes.Anither type o bagpipes, cried the smallpipes, can be reproduced yaisin the Clarinet for the chanter an' the Tuba for the drones.

Valorye MacSiolesean's Tartans

Ah've tried makkin ma ain tartan designs for Valorye, takkin intae consideration that she's an FFXIV character. Thaur's a wabsteid online cried Clan.com that haes a tartan designer function allooin ye tae create an' experiment wi yer ain tartan design. Click on each tartan for tae see whit they each ir.

The tartan design is based aroond the three colours o tank, DPS an' healer, rotatin thaim tae hae the base colour represent each o FFXIV's three roles. In fact, the backgrund o this wabsteid yaises yin o these three tartan designs! Can ye guess which ane?

The Scots Leid

Scots is a Germanic leid that haes been syne the 15t century an' is the day ane o the three main leids in Scotland, the ither twa bein English an' Gaelic. It is aften mistakken as an English deealect for hoo alyk they ir, but it is in fact a legitimate leid that is takken tent o bi the Scottish Government an bi the European Chairter for Regional or Minority Languages.Maist Scots-spikkin fowk in Scotland dinnae usually spik in fou Scots, but mair in a kynd o ae "Scots-English spectrum" whaur a mix o Scots and English wirds ir yaised in everyday banter. An' this haes been hoo Ah rolepleyed Valorye in RP places in-game.Gin ye'r readin this it means ye hae gaed intil this wabsteid's Scots version. Sae dinnae fash yersel gin ye find Scots haurd tae read - ye'r in fact daein braw in tryin tae read a hale different language!

The Scots Language

Scots is a Germanic language that has existed since the 15th century and is today one of the three main languages in Scotland, the other two being English and Gaelic. It is often mistaken as an English dialect for how closely it resembles English, but it is in fact a legitimate language recognised by the Scottish Government and by the European Charter for Regional or Minority Languages.Most Scots-speaking people in Scotland do not usually speak in complete Scots, but more in a sort of "Scots-English spectrum" where a mix of Scots and English words are used in daily conversations. And this has been how I roleplay Valorye in RP venues in-game.If you are reading this it means you have accessed this site's Scots version. So don't worry if you find Scots hard to read - you are in fact doing a good job trying to read a completely different language!

Speicial thanks tae

  • The Pocketeers FC for settin aff ma passion for baird performances

  • Aw the friends Ah've met on FFXIV that kythed tae me aw the various baird scenes aroond the warld

  • Serah Rose for suggestin Valorye cam frae Northren Ishgard

  • Shaundel for the wind-up bagpipes minion mod which Ah've been yaisin gey muckle for gposes